Аиааира амш ныҳәазы, апроект «Аҧеиҧш» иацҵоуп Драндра аҳаблан

Аҧсны Аџьынџьтәылатә еибашьра ветеран, «Агәымшәараз» амедал занашьоу Иури Воуба, ҧшьҩык ахшара драбуп. Дынхоит Дранда аҳаблан.
«Жәларбжьаратәи афонд Аҧсны» имҩаҧнаго еснагьтәи апроект «Аҧеиҧш» аҳәаақәа ирҭагӡаны, Воуаа рҭаацәа ацхыраара рыҭан. Афонд амаӡаныҟәгаҩ хада Асида Инаҧшьҧҳаи, Сырма Ашәҧҳаи арҭ аҭаацәа абзазаратә маҭәахәқәа ҳамҭас ирызнаргеит. Уахь иаҵанакуеит: ателевизор, агазтә плита, ашьац зладырхуа амаҭәахә, амҿтәы печка уҳәа анхара-анҵыраҿы рхы иадырхәо зегьы. Ахшара реиҳабы ажәбатәи акласс аҿы аҵара иҵоит, иреиҵбӡоу хышықәса лхыҵуеит. Воуаа рҭаацәа даара гәахәала иазнеит «Жәларбжьаратәи афонд» ирзыҟанаҵаз ацхыраара.

Subscribe to Syndicate