Аҟәатәи ацәыргақәҵатә зал хада аҟны имҩаҧысит арт-пленер «Аҧсны ҭагалантәи аҧшшәқәа - 2017»

Ахәбатәи Жәларбжьаратәи арт-пленер «Аҧсны ҭагалантәи аҧшшәқәа-2017» ҳтәылаҿы имҩаҧысуан жьҭаара 10 инаркны 17-нӡа.  Ари аамҭа иалагӡаны, Аҧснеиҧш егьырҭ аҳәынҭқаррақәа рҟынтә арт-пленер иалахәыз асахьаҭыхыҩцәеи, арҵаҩцәеи, астудентцәеи алшара рыман Аҧсны аҭыҧ ҧшӡарақәа рҭаара, рҟазара аӡыргара.

Асахьаҭыхыҩцәа мчыбжьык иалагӡаны рнапы иҵырхыз иреиӷьыз русумҭақәа Аҟәатәи ацәыргақәҵатә зал хада аҟны иӡырган.  Аихшьаалатә усмҩаҧгатә зхы алазырхәыз рхыҧхьаӡараҿы иҟан, арт-пленер аспонсорцәа ируаӡәку «Жәларбжьаратәи афонд Аҧсны» ахаҭарнакцәа.