Ансамбль "Гәында" 40 ш. ахыҵит

Аҭыҧҳацәа рвокалтә-инструменталтә ансамбль «Гәында» ҳажәлар рмилаҭ культура иаҿахәҳәагоуп.  Зажәеи зуси еснагь еимадоу, ааҧсара ззымдыруа ансамбль асахьаркыратә напхгаҩы Роза Чамагәуаҧҳеи, уи алахәцәеи ирыбзоураны, иахьа уажәраанӡа  еицакра ақәым ҳажәлар ижәытәӡатәиу рмузыкатә рҳәагақәа.

Ауаажәларратә еиҿкаара «Жәларбжьаратәи афонд Аҧсны» ахьӡала,  ансамбль «Гәында» алахәцәа ишәзеиӷьасшьоит агәамч, аихьӡарақәа. Шәара, ижәытәӡатәиу ҳҭоурых шәлашарбаганы ҳҳәынҭқарра акультура амаҵ азыжәуеит. Ахәаҧшыҩцәа рыбзиабара шәаҧсоуп, инашәыгӡо ашәақәа адунеи иақәлахааит, шәыбжьы ссир еицакра ақәымлааит! Шәахьцалакгьы ишәыцзааит ҳажәлар рдоуҳамч. Ҽааныбзиала шәнеиааит!

 

 

Ҳаҭырла, "Жәларбжьаратәи афонд Аԥсны"  ахада Сенер Гогәуа