Аҧнытәи аделегациа Анкара иҟоу Кавказтәи акультуратә хеилак иаҭааит

Анкара ақалақь Кавказ ажәларқәа рхеидкылаҟны аҟны  имҩаҧысит Аҧснытәи аделегациа злахәыз аиҧылара. Уаҟа "Жәларбжьаратәи афонд Аҧсны" ахада Сенер  Гогәуа дазааҭгылеит напхгара зиҭо аусбарҭа аҿаҧхьа иқәгыло ахықәкқәа, урҭ рынагӡаразы аус шыруа афонд аҩныҵҟа еиҿкаау ахеилакқәа. Дырзааҭгылеит афонд еснагьтәи апроектқәа, урҭ рылҵшәа ҳҳәынҭқарреи ҳауаажәлари ахәарҭа ду шырнаҭо. Ҳамҭас иранеишьеит афонд аусура атәы зҳәо ажурналқәеи, адискқәеи. Аиҧылараҿы ирзааҭгылан ҳаимадара иадҳәалаз азҵаарақәа жәпакы.

Иахьа, Каисери ақалақь аҿы иазгәаҭоуп Аҧснытәи  аделегациеи ҳџьынџьуааи злахәу даҽа еиҧыларак.⁠⁠⁠⁠