Апроект "Аҧеиҧш" аусура иацҵоуп.
04/11 2015
Ауаажәларратә еиҿкаара "Жәларбжьаратәи афонд Аҧсны" ахада Сонер Гогэуа иаҧшьгарала, ахшара рацәа змоу аҧсуа ҭаацәарақәа рзы, аус ауеит апроект "Аҧеиҧш". Апроект аҳәаақәа ирҭагӡаны, Гэдоуҭа араион Лыхны ақыҭа инхо хэҩык ахшара раб, Гиви Генаба иҭаацәа, аматериалтә цхыраара рыҭоуп. "Жәларбжьаратәи афонд Аҧсны" амаӡаныҟәгаҩ хада Асида Инаҧшьҧҳаи, афонд аҟны иаҧҵоу акультуреи аҵарадырреи рыҟәша анапхгаҩы Нугзар Логәуеи, Генабаа рҭаацәа аҳамҭақәа рыманы ирызнеит . Уаҟа иҟоуп анхараҿы рхы иадырхәо абзазаратә маҭәахәқәа: аӡы зладыршуа абак, агазтә плита, ателевизор, ахәыҷқәа рзы ахәмаргақәа, ахаамыхаақәа уҳәа ргәы ҟазҵаша аҳамҭақәа маҷымкәа. Гиви Генабеи Екатерина Ҷантуриаҧҳаи рыхшара рахьтә зегьы иреиҳабу Алмас, жәшықәса ихыҵуеит, иреиҵбу Саламеиа, ҩышықәса. Урҭ рахьтә ҧшьҩык ӡӷабцәоуп, руаӡәк дыҷкәыноуп. Аҧшәма ихшара рааӡаразы ихы деигӡом, излаилшо ала аус иуеит.Рыҩнаҭа акәзар, аҧсуара агым. Ирызнеиуа асасцәа гәаартыла, рчеиџьыка рнапы иқәҵаны ирҧылоит. Гиви иашьеиҳаб Гурам, Аҧсны Аџьынџьтәылатә еибашьраҿы дҭахеит.Ҳаибашьцәа гәымшәақәа иргаз Аиааира иабзоураны, иахьа, Аҧсны еизҳауа ахәыҷқәа ирымоуп аҭынч ҧсҭазаара. Рыҧсадгьыл ҧшӡа иқәыҩуеит урҭ рыччабжь, рыхәмарбжьы.
"Аҧсыуа ҭаацәарак ирыдымзаргьы, ҳфонд, урҭ рыцхырааразы ус хәыҷык азыҟаҵазар, ҳара ҳзы даара инасыҧуп. Ари аус ҧшьа, хымҧада аҧхьаҟагьы аҿиара амоуп. Ҳаҧсуа хәыҷқәа, ҳара ҳҧеиҧш зырлашо роуп"-ҳәа азгәеиҭеит Нугзар Логәуа, Генабаа рҭаацәара ҧшӡа дрызгәыдуны.
Аҭаацәара реиҳабы, хәҩык амоҭацәа ранду, Емма Зыхәҧҳа, "Жәларбжьаратәи афонд Аҧсны" ахада Сонер Гогәуа аҧхьа днаргыланы, афонд аусзуцәа ҭабуп ҳәа ралҳәеит имҩаҧырго аусуразы. Илҳәеит, аҳамҭақәа ззааргаз ахәыҷқәагьы, Аҧсны иаҵеицәа лашаны ирызҳарц.
Иазгәаҭатәуп, апроект "Аҧеиҧш" раҧхьатәи аусура шхацнаркыз, Очамчыра араион Баслахә ақыҭа. Уи ақыҭаҿы инхо фҩык ахшара раб, Џьон Хьиба иҭаацәа, аматериалтә цхыраара рзыҟаҵан. Апроект "Аҧеиҧш", мызкахь знык, ахшара рацәа змоу аҧсуа ҭаацәарақәа адгылара рырҭоит. Урҭ ралыҧшаараҟны, заанаҵы афонд аусзуцәеи, араионқәа рхадацәеи еиқәышаҳаҭны аиҿкааратә усқәа мҩаҧыргоит. Анаҩс, иалкаау аҧҟарақәа ирықәныҟәоит.
Шәааи нас, иаҳгәалаҳаршәап, Аҧсны Жәлар рпоет Баграт Шьынқәба ицәаҳәақәа: "Ҳшеишьцәо гәаҭаны, ҳнапқәа еикәҳаршар, акыр ҳаиқәнархозар, убри ҳаиқәнархоит..."
- Апроект « Аԥеиԥш» Ҭхьына ақыҭараҟны
- Апроект «Аԥеиԥш» аусура иацҵоуп Абгархықә ақыҭаҿы
- Апроект «Аҧеиҧш» аусура иацнаҵеит Дәрыҧшь ақыҭа
- Апроект «Аҧеиҧш» аусура иацҵоуп Гудоуҭа араион Мгәыӡырхәа ақыҭан
- Аиааира амш ныҳәазы, апроект «Аҧеиҧш» иацҵоуп Драндра аҳаблан
- «Жәларбжьаратәи афонд Аҧсны» апроект «Аҧеиҧш» аусура иацнаҵеит Аҭара ақыҭан
- «Жәларбжьаратәи афонд Аҧсны» апроект «Аҧеиҧш» аусура иацнаҵеит Аҟәа ақалақь
- Апроект «Аҧеиҧш» аусура иацнаҵеит Аҭара ақыҭан
- Апроект «Аҧеиҧш» аусура иацҵоуп Аҟәа ақалақь
- Апроект «Аҧеиҧш» аусура иацнаҵеит Тҟәарчал ақалақь аҿы
- Апроект «Аҧеиҧш» аусура иацнаҵеит Гал араион
- Апроект «Аҧеиҧш» аусура иацнаҵеит Дранда аҳаблан
- Апроект «Аҧеиҧш» аусура иацҵоуп Очамчыра араион Ҷлоу ақыҭан
- Апроект «Аҧеиҧш» Ҟәланырхәа ақыҭа Аҩӡаа рҭаацәа иаҭааит
- Апроект «Аҧеиҧш» Аҟәа ақалақь Воуаа рҭаацәа иаҭааит
- Апроект "Аҧеиҧш" аусура иацнаҵеит Тҟәарчал.
- Апроект «Аҧеиҧш» аусура иацҵоуп Гагра араион Бигәаа рҭаацәа рҿы
- Апроект «Аҧеиҧш» аусура иацнаҵеит Очамчыра араион Баслахә ақыҭа
- "Жәларбжьаратәи афонд Аҧ сны" аусура иацнаҵеит апроект "Аҧеиҧш".
- Апроект «Аҧеиҧш» аусура иацнаҵеит Гәылрыҧшь араион Агәӡера аҳабла.
- Апроект «Аҧеиҧш» аусура иацҵоуп Тҟәарчал.
- Апроект «Аҧеиҧш» аусура иацҵоуп Гәдоуҭа араион Блабырхәа ақыҭа.
- Апроект «Аҧеиҧш» аусура инақәыршәаны, Шарамбаиа рҭаацәа ацхыраара рыҭоуп
- Апроект «Аҧеиҧш» аусура иацҵоуп Очамчыра араион Гәыҧ ақыҭан.
- Апроект «Аҧеиҧш» аусура иацҵоуп Очамчыра араион Кындыӷ ақыҭа
- Апроект «Аҧеиҧш» аусура иацҵоуп Бзыҧта ақыҭаҿы
- Апроект «Аҧеиҧш», Џьал ақыҭа аусура иацнаҵеит.
- Апроект «Аҧеиҧш» аусура иацҵоуп.
- «Жәларбжьаратәи афонд Аҧсны» апроект ҿыц «Аҧеиҧш» аусура хацнаркит.