Аҧсны Аҳәынҭқарра Ахада «Жәларбжьаратәи афонд Аҧсны» ахаҭарнакцәа идикылеит.

Embedded thumbnail for Аҧсны Аҳәынҭқарра Ахада «Жәларбжьаратәи афонд  Аҧсны» ахаҭарнакцәа идикылеит.

Иахьа, ауаажәларратә еиҿкаара «Жәларбжьаратәи афонд  Аҧсны» ахаҭарнакцәа идикылеит Аҧсны аҳәынҭқарра ахада Рауль Ҳаџьымба. Урҭ рхыҧхьаӡараҿы иҟан афонд ахада Сенер Гогәуа, амаӡаныҟәгаҩ хада Асида Инаҧшьҧҳа, амассатә-информациатә  хархәагақәеи, ауаажәларратә еимадареи рхеилак анапхгаҩы Гәрам Амқәаб, акультуреи аҵарадырреи рыҟәша аиҳабы Нугзар Логәуа, асоциалтә политикатә хеилак анапхгаҩы Иулиа Гәымҧҳа, аҿартә политика аҟәша аиҳабы Асҭамыр Логәуа.  

Аиҧылараҟны  афонд ахада Сенер Гогәуа, аҳәынҭқарра ахада изеиҭеиҳәеит афонд ахықәкы, ҵакыс иамоу, иара убас далацәажәеит шықәсык аҩныҵҟала афонд имҩаҧнагаз аусурақәа.

«Афонд ахықәкы хадақәа ируакуп аҧсуа милаҭтә культура адунеи аҳәынҭқаррақәа рыларҵәара. Уи аус ҟаларц азы Аҧсны аизҳара, аҿиара аиуроуп. Ҳара абри азҵаара гәцаракра азыуны, ҳусура еиҿаҳкаауеит. Аҧсуа жәлар рзы ихадароу усуп адемографиа азҵаара. Уи азҵаара ҳара ҷыдала ҳазнеиуеит, излаҳалшо ала ацхыраара аҳҭоит»-иҳәеит Сенер Гогәуа икәгылараҿы.

Аҧсны аҳәынҭқарра ахада Рауль Ҳаџьымба, «Жәларбжьаратәи афонд аусушьеи, аиҿкаашьеи рзы ҭабуп ҳәа реиҳәеит аиҧылара иалахәыз зегьы. Иара убас иазгәеиҭеит, аҳәынҭқарра анапы ацхыраара ахьымнаӡо, афонд ишалнаршаз.

«Сара даараӡа сгәы иахәоит афонд  ҳауаажәлар ацхыраара ахьырнаҭо. Еиҳараӡакгьы, зсоциалтә ҭагылазаашьа хьысҳау аҧсуа ҭаацәарақәа ирызку еиуеиҧшым апроектқәа  аус ахьрыдыжәуло. Зегь реиҳа ихадароуп ҳәа азысыҧхьаӡоит иижьҭеи згәабзиара уашәшәыроу ахәыҷқәа ацхыраара рыҭаразы, инарҵауланы, иҭҵааны  имҩаҧыжәго апрограмма»-иҳәеит Аҳәынҭқарра Ахада. 

Subscribe to Syndicate