Аҧсны Аҳәынҭқарра Аҧыза-министр Геннади Гагәылиа иҭахара инамаданы адышшылара

"Жәларбжьаратәи афонд Аҧсны"  гәалсрадула адышшылара ҟанаҵоит  цәыббрамза 2018ш.рзы иҟалаз амҩатә машәыр иахҟьаны  зыҧсҭазаара иалҵыз  Геннади Леонид-иҧа Гагәылиа  иуацәеи иҭынхацәеи рахь.
Геннади Леонид-иҧа иҧсҭазаара зегьы ижәлари иҧсадгьыли рымаҵ аура иазикит. Иналукааша политикатэ усзуҩын, атәыла аамҭа уадаҩ ианҭагылазгьы  ипринципқәа дрыцәхьаҵуамызт.
Аҧсны аҿиара аусқәа рҟны акыр илагала дууп, иара убас аҳәаанырцәтәи аҳәынҭқаррақәеи  Аҧсни реимадараҟны илша рацәоуп, ихьӡ еицырдыруеит. Иара иааикәыршаны идикылон аҟазара злаз, зус профессионалла иазнеиуаз  ауаа. Аӡәырҩы рзы дҿырҧшыган, дҩыза бзиан,  аусура бзиа ибон, хеигӡарак издыруамызт.
Геннади Леонид-иҧа иҧҭазаара аҵыхәтәантәи амшқәа рҟынӡа ааҧсрак ҟамҵакәа аҳәынҭқаара аус азиуан. Шьамтәылатәи Арабтә Республикаҿы иуалҧшьа нагӡаны  иҩны дааӡарц километрақәак шигыз, амҩатә машәыр иахҟьаны дҭахоит.
Геннади Леонид-иҧа Гагәылиа игәалашәара лаша наунагӡа ҳгәаҵаҿы иаанхоит.