Аҧсны Аҳәынҭқарра раҧхьатәи ахада Владислав Арӡынба игәалашәара амш

Ҳазҭоу ашықәс, маи 14 рзы, Аҧсны Аҳәынҭқарра раҧхьатәи ахада Владислав Арӡынба, иҧсы ҭазтгьы ихыҵуазаарын 70 ш. Еицырдыруа аҳәынҭқарратә, ауаажәларратә, аполитикатә усзуҩ, аҵарауаҩ ду, мрагылараҭҵааҩы Владислав Григори-иҧа Аҧсны Аҳәынҭқарра аҭоурых ихьӡ хьтәы нбанла ианхалоит! Владислав Арӡынба иуаҩра, иҟәыӷара, идоуҳамч, иполитикатә баҩхатәра ирыбзоураны, иҿаҧхьа иқәиргылоз ихықәкқәа наигӡон. Аҧсны ацьынцьтәылатә еибашьра анцози, анаҩстәи аамҭеи рзы иара илиршеит ажәлар ракзаара, реидкылара. Владислав Арӡынба, ижәлар рыбзиабара даҧсахеит.  Иара ихьӡ иузаҟәымҭхо иадҳәалоуп иҳамоу аҭынчра, иаҳгаз аиааира, иазхаҵоу ҳхьыҧшымра! Игәалашәара ес ииуа ирыциуеит!
Ҳаҭырла, Ауаажәларратә еиҿкаара

"Жәларбжьаратәи Афонд Аҧсны"
Ахада
Сенер Гогәуа.

Subscribe to Syndicate