Аҧснытәи аделегациа Ҭырқәтәыла аҳҭнықалақь Анкара иаҭааит

Иахьа, Аҧснытәи аделегациа аҭааит Ҭырқәтәыла аҳҭны қалақь Анкара еиҿкаау аҧсуаа рхеидкыла. Аиҧылара ааиртит ахеидкыла ахада Меҳмеҭ Али Дохәмаа. "Жәларбжьаратәи афонд Аҧсны" ахада Сенер Гогәуа еизаз ирзеиҭеиҳәеит афонд ахықәкы, аделегациа раара ҵакыс иамоу. Дрылацәажәеит афонд имҩаҧнаго апроектқәа ртәы. Аиҧылара иалахәыз Сенер Гогәуа азҵаарақәа ирҭеит. Урҭ рҭак ҟаҵо уи иҳәеит:

"Ҳара иаҳҭахуп ҳажәлар рыбжьара иҟазарц аимадара, ҭоурыхла еиҟәшаз ажәлар рыбжьара ашьапы акырц аимадара наӡа".

Анкара иҟоу аҧсуаа рхеидкыла ахада Меҳмеҭ Али Дохәмаа дырзааҭгылеит, ара  инхо  аҧсуаа русуратә еиҿкаарақәа шымҩаҧысуа. Уи иҳәеит афонд инанагӡо аҧшьгарақәа адгылареи ацхыраареи шриҭо.

Иара убас, Аҧснытәи аделегациа ахьӡала Меҳмеҭ Али Дохәмаа ианашьан Аҧснытәи иаагаз аҧсуа ҟама.