Аҧснытәи аҳәынҭқарратә телехәаҧшра 40ш. ахыҵит

Ҳаҭыр зқәу, Аҧснытәи аҳәынҭқарратә телехәаҧшра анапхгара, аусзуцәа!
40ш. раҧхьа, 1978ш. рзы, инаӡеит аҧсуа жәлар рҳәахьа. Аҧсыуа ҩнаҭацыҧхьаӡа аҷҷаҳәа индәылыҩит аҧсышәала Аҧсуа телехәаҧшра абжьы. Еицакра ақәымкәа иахьа уажәраанӡа арҿиаратә ҳәаақәа рымҽхак ырҭбаауа уи аизҳазыӷьара амҩа иануп. Аҧсуа телехәаҧшра ахыҵхырҭаҿы игылаз инадыркны, ҳазҭагылоу аамҭа аҟынӡа аус азызуа, зџьабаа аду зегьы ҭабуп ҳәа шәасҳәоит. Еснагь ишәыцзааит арҿиаратә гәазыҳәара, аманшәалара, аихьӡара! Ателехәаҧшцәа ажәабжь бзиақәа рызнажәгалааит, ҳауаажәлар реидкылареи рҿахәы аҳәареи рус аҟны уасхырс бзиас шәҟалааит! Аҧсуа телехәаҧшра абжьы ахааназы еицакра ақәымлааит! Мҩамш!
Ҳаҭырла, 
"Жәларбжьаратәи афонд Аҧсны" ахада
Сонер Гогәуа.