Ареспубликатә реабилитациатә ценр ацхыраара аҭоуп

Иахьа, згәабзиара ԥку ахәыҷқәа рзы Ареспубликатә реабилитациатә центр ацхыраара аҭан. Ас еиԥш иҟаз ацхыраара  ҟаҵан «Жәларбжьаратәи афонд  Аԥсныи»  Ростовтәи анаплакы «Биофармеи» русеицзура иабзоураны.

«Жәларбжьаратәи афонд Аԥсны» аусбарҭахь Ареспубликатә реабилитациатә центр аҟынтә иаашьҭыз арзаҳал инақәыршәаны, ацентр ахь инашьҭын: амассажтә цәардаӷәы, амультимедиатә проектор, амобилтә екрани аколонкақәеи ацны, иара убас абаҩрҵәыразы ауарҳал хәыҷқәа, аинвалидтә рныҟәага СТАРТ, авелотренажиор Ангел Соло, иара убас еиуеиԥшым абзазаратә маҭәахәқәа. Аинвалидтә рныҟәагеи авелотренажиори аахәан ацентр аҟны изхылаԥшуа ҩыџьа ДЦП ачымазара змоу ахәыҷқәа рзы.

Хара имгакәа, ацентр ҳамҭас иазынашьҭхоит аӡҭарчи аӡәӡәарҭеи русуразы иаҭаху аҳауа аҭарбага.

Зыӡбахә ҳәоу агәыҳалалратә акциа мҩаԥысуан «Жәларбжьаратәи афонд Аԥсны» еснагьтәи апроект «Агәабзиара» аҳәаақәа ирҭагӡаны.

Subscribe to Syndicate