Арт-Фестиваль "Аҧшаҳәала аныҟәара"

"Жәларбжьаратәи афонд Аҧсны" ахы аланырхәит аҿартә Арт-Фестиваль "Аҧшаҳәалп аныҟәара", уи мҩаҧысуеит И.Г.Папасқьыр ихьӡ зху   Аҧснытәи Амилаҭтә шәҟәыҧхьарҭа аиҿкаарала.
Афестиваль рхы аладырхәуеит Аҧсны ашәҟәыҧхьарҭақәеи амузеиқәеи, иара убас арҵаратә усбарҭақәеи ауаажәлрратә еиҿкаарақәеи. Астендқәа рыбзоурала аҭааҩцәа алшара рымоуп Аҧсны акультуреи, аҭоурыхи, алитературеи реилкаара.
Ҳара ҳфонд аҭааҩцәа ирыднагалеит акьыҧхьтә ҭыжьымҭа, ҷыдала: ажурнал "Аҧсынтәыла-сара стәыла" аномерқәа зегьы, иара убас еиуеиҧшым абызшәақәа рыла Аҧсны иазку абуклетқәа. Афонд ахада ихаҭыҧуаҩ Мақсим Ӷәынџьиа иазгәеиҭеит:
"Ҳара ҳусура ахырхарҭа хадақәа ируакуп ҳдпиаспореи ҳареи ҳаизыҟазаашьа арҿиара, убри аҟынтә Аҧсны иазку аматериалқәа дара еилыркаауа абызшәалоуп излаҭҳажьуа, ҭырқәшәала, араб бызшәала, англыз бызшәала".
Аҧснытәи Амилаҭтә шәҟәыҧхьарҭеи "Жәларбжьаратәи афонд Аҧсни" ирыбжьоу аусеицуразы аиқәшаҳаҭра инақәыршәаны, ари аусмҩаҧгатәазы афонд  афинанстә цхыраара азоунажьит.