Арҵаратә центр «Академиа» асертификатқәа ранашьеитаҵаҩцәа

Ауаажәларратә еиҿкааара «Жәларбжьаратәи афонд Аԥсны» иҟанаҵо афинанстә цхыраарала, абар сынтәа ҩышықәсоуп арҵаратә центр «Академиа» аҵаҩцәа асертифактқәа ранашьаразы аусмҩаԥгатә еиҿнакаауеижьҭеи.  Атәымбызшәа ахьынӡардыруа аҩаӡара азгәарҭоит ирҭиуа аԥышәарақәа рылҵшәақәа рыла, анаҩс ирыҭахоит асертифакт.  Асертификатқәа ранашьараанаҩс, «Академиа» имҩаԥнагаз аиндаҭлараҿы лыӡбахә ҳәан аиааира згаз. Уи Алина Гәбазлоуп.  Алина алшара лымоуп ҩымчыбжьа Лонданҟа ацара, лҵара-дырра аизырҳаразы.

Арҵаратә центр  «Академиа» аҟны ирҵоит абарҭ абызшәақәа: аԥсуа, англыз, аҭырқәа, аиспан, аурыс,  иара убас жәларбжьаратәи аԥышәарақәа рзы аҽазыҟаҵарақәа мҩаԥысуеит, уи акыр иацхраауеит атәым ҳәынҭқаррақәа рҟны иреиҳау аҵараиурҭақәа рҭалара.