Ашәҟәыҩҩы Ҳаири Қәҭарба ииубилеи

Тырқәтәыла ииз, иааӡаз, шықәсқәак раҧхьагьы Аҧсныҟа ихынҳәыз ашәҟәыҩҩы, аиҭагаҩы Ҳаир Қәҭарба 60 шықәса ихыҵра иазкны, Иван Ҧаҧасқьыр ихьӡ зхыу Аҧснытәи Аҳәынҭқарратә библиотека аҟны имҩаҧысит Аҧсны Ашәҟәыҩҩцәа реидгыла ахадареи, Аҳәынҭқарратә библиотека ахантәаҩи, ашәҟәыҩҩы иҩызцәеи, алитература абзиабаҩцәеи злахәыз ахәылҧаз. Уаҟа инарҭбааны иазааҭгылеит ашәҟәыҩҩы ирҿиаратә мҩа зегьы.

Ахәылҧаз аҟны ашәҟәыҩҩы иҩызцәеи, Аҧсны Ашәҟәыҩҩцәа реидгыла ахада Вахтанг Абхазоуи, Иван Ҧаҧасқьыр ихьӡ зхыу Аҳәынҭқарратә библиотека ахантәаҩы Борис Ҷолариеи, иара убас иеиуеиҧшым ахеидкылақәеи, ауаажәларра рхаҭарнакцәеи рҳамҭақәа рыла Ҳаири Қәҭарба имшиира идырныҳәалеит.

Ахәылҧаз иалахәыз «Жәларбжьаратәи афонд Аҧсны» ахаҭарнакцәа Ҳаири Қәҭарба имшиира идныҳәаланы, афонд ахьӡала ианаршьеит аҳамҭа.

Subscribe to Syndicate