Аԥсны- Урыстәылеи-Ҭырқәтәылеи резыҟазаашьақәа аконтекст аҿы

Embedded thumbnail for Аԥсны- Урыстәылеи-Ҭырқәтәылеи резыҟазаашьақәа аконтекст аҿы

Мшаԥымза 12,  2019 шықәса рзы, Аҟәа имҩаԥысит аконференциа «Аԥсны- Урыстәылеи-Ҭырқәтәылеи реизыҟазаашьақәа  рконтекст аҿы». Уи иалахәын  Аԥснынтә, Урыстәылантә,  Ҭырқәтәылантә аекспертцәа. Ахәҭакахьала, апрофессор Мысҭафа Аидын, Ҭырқәтәыла Жәларбжьаратәи аизыҟазаашьақәа реидгыла ахада, Сҭампылтәи Кадыр Хас уаанӡатәи аректор;

Миҭаҭ  Челикпала- Жәларбжьаратәи аизыҟазаашьақәа рпрофессор, аекономикатә факультети, Сҭампылтәи Кадыр Хас ауниверситет  административтәи асоциал-ҭҵаарадыррақәеи уаанӡатәи  рдекан.   Евразиа ашәарҭадаразы  азҵаарақәеи, аенергетикатәи аинфраструктуреи ршәарҭадара ахьчарази,  Ҭырқәтәылеи Кавкази адәныҟатәи аҩныҵҟатәи русқәа рспециалист;

Тлостнаков Асқьер Аслан-иԥа-аполитолог, аҳәынҭқарратәи амилаҭҭәи ргылара де-факто аҳәынҭқаррақәа рҿы,   аетникатәи адинхаҵаратәи мобилизациа Нхыҵ-Кавказ аҿы;

Цибенко Вероника Витали-иԥҳа- Аладатәи афедералтә университет адисциплинартәи агәыҳалалратәи ҭҵаарақәа рцентр аиҳабы;

Сергеи Мирон-иԥа Шамба-апрофессор - Аԥсны Аҳәынҭқарра адәныҟатәи аусқәа уаанӡатәи аминистр, уаанӡатәи Аԥыза-министр, ҳазҭагылоу аамҭазы апартиа  «Иаку Аԥсны» ахантәаҩы;

Сонер  Неџьем-иԥа Гогәуа- Ауаажәларратә еиҿкаара «Жәларбжьаратәи афонд Аԥсны» ахада, аԥшьбатәи ааԥхьара жәлар Реизара адепутат.

Аконференциа мҩаԥигон амодератор Мақсим Ӷәынџьиа, «Жәларбжьаратәи афонд Аԥсны» ахада ихаҭыԥуаҩ. Аконференциа рхы аладырхәит хыԥхьаӡара рацәала асасцәа, аексперттә еилазаарақәа, атәыла анапхгара, адипломатцәа.

Аекспертцәа зегьы излазгәарҭаз ала, Урыстәылеи Ҭырқәтәылеи ирыбжьоу аекономикатә еимадара азхом, ауаатәыҩсеи, акультуреи, агәыҳалалреи шьаҭас иҟамҵакәа.

 Агәыҳалалратәи акультуратәи еизыҟазаашьа аҿиара апроектқәа адгылара аиуроуп, Урыстәылеи Ҭырқәтәылеи ирыбжьоу аекономикатәи ахәаахәҭратәи еизыҟазаашьақәа реиԥш, уи алшара рынаҭоит арегион аҿы иҟоу егьырҭ атәылақәа апроцессқәа рыҽрымардарц.

Ас еиԥш аусеицзура зегьы алахәуп, Урыстәылеи Ҭырқәтәылеи аполитикатәи асоциалтәи усхәаԥштә иацклаԥшыроуп, аҳәаақәа дырҭбаароуп аизыҟазаашьақәа рырӷәӷәаразы,  Ҭырқәтәылеи Мраҭашәареи ирыбжьоу аилибамкаарақәа рпроцесс иаԥырхагамкәа, иара убас,   Урыстәылеи Мраҭашәареи налаҵаны.  

  Урыстәылеи Ҭырқәтәылеи реизыҟазаашьа,  Аԥсны  аекономикеи асоциалтә хырхарҭеи рҟны анырра ҟанаҵоит.  Урыстәыла- Аԥсны стратегиатә партниоруп, адгылара азнауеит, Ҭырқәтәыла-аҩбатәи аҭыԥ аанакылоит ахәаахәҭратә партниорра аганахь ала.  Урыстәылеи  Ҭырқәтәылеи рыбжьара  ахәаахәҭратә еикәыршара аҩаӡара еснагь иазҳауеит,  Аԥсны ари аусхк аганахь ала ахархәара амазар алшоит, ахәаахәҭратә елемент еиззырҳауа аҳасаб ала.  Урытәылеи Ҭырқәтәылеи реимабзиара, Амшынеиқәа-Кавказтәи арегион аҿы аҭышәынтәалара шьақәнарӷәӷәоит.

Subscribe to Syndicate