Аҵарадырратә центр «Академиеи» атуризми, асервеси, афатә ааглыхреи Еревантәи аҳәынҭқарратә коллеџьи аусеицуразы аиқәшаҳаҭра рнапы аҵарҩит
22/11 2016
Иахьа, аҵарадырратә центр «Академиа», Ермантәылантәи аделегациа аднакылеит. Аделегациа хадара азиуан атуризми, асервеси, афатә ааглыхреи Еревантәи аҳәынҭқарратә коллеџь аиҳабы Артур Варданиан. Аделегациа мҩаҧигон «Жәларбжьаратәи афонд Аҧсны» ахада Сенер Гогәуа. Ацентр «Академиа» анапхгаҩы Ирина Ҷкадуаҧҳа, Ермантәылатәи асасцәа «Бзиала шәаабеит»-ҳәа раҳәо инарҭбааны ирзеиҭалҳәеит аҵара процесс шымҩаҧысуа атәы. Еревани Аҟәеи рҵаратә усбарҭақәа рнапхгаҩцәа алацәажәеит аҧхьаҟатәи русеицура иадҳәалаз азҵаатәқәа. Артур Варданиан, Ирина Ҷкадуаҧҳа Ермантәылаҟа ааҧхьара лиҭеит аҧышәа аимдаразы.
Аиҧылара ахыркәшамҭазы, атуризми, асервеси, афатә ааглыхреи Еревантәи аҳәынҭқарратә коллеџьи, аҵарадырратә центр « Академиеи», акультуреи, аҵарадырреи рхырхарҭа аганахь ала аҧҟаҧҵәа рнапы аҵарҩит, иара убас аҧышәа аимдареи, еицырзеиҧшу апроектқәеи апрограммақәеи реицынагӡаразы азҵаатәқәа ирзааҭгылеит.
- «Абызшәа Аҵарҭа Центр -Академиа» 2018 шықәса зҵара хзырқәшаз асертификатқәа ранашьоуп
- Ҭырқәтәылатәи аспециалистцәа «Академиа» арҵаҩцәа рзы атренингқәа мҩаҧыргеит
- Аҧсуа бызшәа акурсқәа хәыда-ҧсада арҵара
- Иуль 2, 2016 ш. азы, аҵарадырратә центр "Академиа" аҵарашықәсазтәи аихшьала мҩаҧнагеит.
- «Жәларбжьаратәи афонд Аҧсныи», Арҵаратә центр «Академиеи» , аиқәышаҳаҭра рнапы аҵарҩит.