Аҭынчратә митинг мҩаҧысит Аҧсны, Сириатәи Арабтә Республика ҳтәыла Ахьыҧшымра ахьазханаҵаз

Сириатәи Арабтә  Республика Аҧсны Ахьыҧшымра ахьазханаҵаз инамаданы, арепатриациеи адемографиеи  рминистрраҿы имҩаҧсыз аҭынчратә митинг рхы аладырхәит «Жәларбжьаратәи афонд Аҧсны»  ахаҭарнакцәа.

 Амитинг еиднакылеит Аҧсны Аҳәынҭқарра Ахада, ҳтәыла анапхгара, ауаажәларратә усзуцәа, ҳџьынџьуаа.  Иқәгылоз зегьы аџьшьара рырҭеит Сириа иқәынхо ауааҧсыреи, атәыла анапхгареи, ҳхьыҧшымра азхаҵара иахьадгылаз азы.

Аҧсны, Сириатәи ахҵәацәа-ҳџьынџьуаа,  раҧхьаӡа издызкылаз тәылоуп.  Иахьа, ҳашьцәа рыҧсадгьыл аҿы инхо-инҵуа рҽышьақәдыргылеит. Ҳҳәынҭқаррақәа рыбжьара  акыр шықәса имҩаҧысуаз аусуреи, иара убас уа инхоз ҳџьынџьуаа атерроризм иаҿагыланы рықәҧареи  ирылҵшәаны, Сириеи  Аҧсынтәылеи аиҩызаратәи  аусеицуратәи еизыҟазаашьақәа рыбжьалеит.