Иахьа фышықәса ҵит Сергеи Уасил-иҧа Багаҧшь иҧсҭазаара далҵижьҭеи

Сергеи Уасил-иҧа, агәаӷьра злаз, иҟәыӷаз уаҩын. Ауаажәларратә, политикатә усзуҩын, итәыла дапатриот дуун. Иара ҳхәынҭқарра анапхгара аҭара анаҩсгьы, ажәлар реидкылара дақәшәон, иуаажәлара бзиа ибон.

Сергеи Багаҧшь хаҭала дыздыруаз зегьы иазгәарҭоит иара иразра, игәыҳалалра. Аполитикатә аренаҿы даныҟазгьы, дарбанызаалак зегьы рзы даартын, зегь разнеишьа дақәшәон.

Аҧсны еснагь гәыблыла дагәаланаршәалоит уи аҧыза, атәыла ахьыҧшымра азхаҵара аус аҟны злагала рацәоу. Сергеи Уасил-иҧа ихьӡ адҳәалоуп  жәларбжьаратәи азиндырраҟны  исуверентәу субиект аҳасабала Аҧсны раҧхьатәи ашьаҿақәа рыҟаҵара. Аҧсуа ҳәынҭқарра ашьақәгылараҟны иара инаигӡоз ароль ахә ашьара уадаҩуп.

Сергеи Уасил-иҧа Багаҧшь ихьӡ Аҧсны аҭоурых адаҟьақәа ирынҩылахоит, ажәлар ргәалашәараҿы наунагӡа даанхоит.