Иван Папасқьыр ихьӡ зху амилаҭтә библиотека аартра мҩаҧысит

​Иахьа, "Жәларбжьаратәи афонд Аҧсны"ахаҭарнакцәа Сенер Гогәуа,  Асида Инаҧшьҧҳа,  Жанна Леиҧҳа,  Нелли Берулааҧҳа рхы аладырхәит  Иван Папасқьыр ихьӡ зху амилаҭтә библиотека аартра.

 Aиҧылараҿы абиблиотека аиҳабы  Борис Ҷолариа иазгәеиҭеит, абиблиотека аартра аҵак ду шамоу ҳаҧсадгьыли ҳауаажәлари рзы, агәыӷра ааирҧшит аҧхьаҟа уи иахәҭоу аҿиара шаиуа.

Аиҧылара рхы аладырхәит Аҧсны ахада Рауль Ҳаџьымба, Аҧсны иҟоу Урыстэыла ацҳаражәҳәаҩ Семион Григориев, акультура аминистр Ельвира  Арсалиаҧҳа, атәыла анапхгара, ауаажәларра.

"Жәларбжьаратәи афонд  Аҧсни" амилаҭтә  библиотекеи аусеицзура рыбжьоуп, изныкымкәа абиблиотекаҿы афонд аусмҩаҧгатәқәа еиҿнаакахьан. Иара убас, афонд ахьӡала абиблиотека  оргтехникеи , зыхә ҳараку,  зиоура уададаҩу ашәҟәқәа раахәареи рҟны  афинанстә цхыраара азоунажьхьеит.