Ҳааигәара уаҳа дыҟаӡам Тарас Мирон-иԥа Шамба.

«Жәларбжьаратәи афонд Аԥсны» гәалсра дула адышшылара ҟанаҵоит зыԥсҭазаара иалҵыз, иналукааша аԥсуа иара убас аурыс уаажәларратә-политикатә усзуҩы, азиндырратә ҭҵаарадыррақәа рдоктор, Урыстәылатәи Аҳәынҭқарра  ахәаахәҭра- економикатә университет аректор ихаҭыԥуаҩ, Кавказ ажәларқәа Урыстәылатәи рконгресс ацхантәаҩы, Ҳаҭыр зқәу Адунеизегьтәи аԥсуа-абаза конгресс ахада Тарас Мирон-иԥа Шамба иуацәеи иҭынхацәеи рахь.

Тарас Мирон-иԥа еснагь Аԥсны дацгәырҩон, иара ҳтәыла аҭоурых дахәҭакны дҟалеит, иубарҭамыз иалахәра изныкымкәа иацхраауан ихадоу аҳәынҭқарратә усқәеи, иара убас зхыԥхьаӡара рацәоу аполитикатә проблемақәеи рыӡбара.

Адиаспора аидгыларазы иара илагала иуадаҩуп ишахәҭоу ахә амшьара.

Subscribe to Syndicate