Раҧхьатәи Жәларбжьаратәи аконференциа "Арепатриациазы аҧсуа-абаза жәлар рпроблемақәа"

Абҵара 1 инаркны 2-нӡа, Аҧсны имҩаҧысуеит раҧхьатәи Жәларбжьаратәи азеиҧш милаҭ ҭҵаарадырра-практикатә конференциа: "Арепатриациазы аҧсуа-абаза жәлар рпроблемақәа". Аҧсадгьыл ахь архынҳәразы аҳәынҭқарратә еилакы ахыбраҿы еизеит  Аҧснынтә, Урыстәылантә,  Сириантә,  Ҭырқәтәылантә аделегатцәа.

Аизара рхы аладырхәит "Жәларбжьаратәи афонд  Аҧсны" ахада  Сенер Гогәуа, аҧсуаразы ахеилак анапхгаҩы Оқтаи Ҷкотуа. Аконференциаҟны иазааҭгылан арепатриациа иадҳәалоу азҵаарақәа, ҳџьынџьуаа рҭоурыхтә ҧсадгьыл ахь рырхынҳәра.

 Ахәҭакахьала, ажәахәқәа рызкын амилаҭ-культуратә хдырра, аетнодемографиа, асоциал-культуратә интеграциа, аекономикатә аполитикатә уадаҩрақәа, адаптациа иадҳәалоу ауадаҩрақәа уҳәа.

Аконференциа ахыркәшамҭазы ирыдкылан Арезолиуциа, иара убас алахәылацәа рааҧхьарақәа.