Симон Кананит имш

«Жәларбжьаратәи афонд Аҧсны» адныҳәалара ҟанаҵоит Симон Кананит имш инамаданы-Иаса Қьырса иапостолцәа руаӡәк, Аҧсны ақьырсианра азаазгаз, зыҧсрала ҳагәнаҳарақәара зхызхыз, Анцәа ибзиабареи, иашьапкареи, агәыҳалалреи ргьама ҳзыркыз.

Симон Кананит, Иосиф раҧхьатәи иҧшәма лҟынтә иҧа иакәын, Мариа Богородица лҧа, даҽакала иаҳҳәозар Иаса иашьаҧса. Апостол Лука иусумҭақәа рҟны, апостол Симон Кананит ҳәа иҩӡом, бырзен бызшәала-Зилот, урҭ рыхьӡқәа ҵакыс ирымоу акоуп. Евангелие аҟны, Иаса Қьырса раҧхьатәи иџьашьахәы Ионнна аҟынтә иазгәаҭоуп, иашьаҧса Симон аҭаацәара даналала, аӡы аҩы алихит ҳәа. Уи аниба Симон, иҵаҩыс дҟаларц иҭаххеит(апостолс). Ақьырсиан динхаҵараҿы Симон Зилот ҿыц зыҧсҭазаара еилазҵо дрынцәахәны дыҟоуп.

Симон Кананит дынхон, ақьырсианрагьы ныҟәигон Аҧсны, Афон Ҿыц, цәгьаҧсышьала иҧсҭазаара далҵаанӡа.

800 шықәса рнаҩс, абырзен қалақь Афон аҟынтә, апостол инышәынҭрахь иааит Анцәа ихаҵаҩцәа. Зилот инышәынҭра азааигәара ауахәама шкәакәа дыргылеит аҭыҧантәи акьыр иалхны, уи ааигәа-сигәа иҟоу аҭыҧқәа убри нахыс Афон Ҿыц ҳәа ахьӡ роуит.