Сонер Гогәуа ихы алаирхәит Урыстәылатәи-Ҭырқәтәылатәи абизнес-форум

«Жәларбжьаратәи афонд Аԥсны» Ахада Сонер Гогәуа ихы алаирхәит абҵарамза 12 рзы Москва имҩаԥысуаз Урыстәыла- Ҭырқәтәылатәи аусуратә форум.

Афорум, Урыстәылеи Ҭырқәтәылеи русуратә еизыҟазаашьаҿы  раԥхьатәи аартыроуп ҳҳәарц ҳалшоит, уи хымԥада арҭ аҩҳәынҭқаррак рзы ихҭыс дуны иҟалеит.   Афорум иалахәын еиуеиԥшым ахырҳарҭақәа рыла 80 аҭырқәа компаниақәа. Иаҳҳәозар: аӷба ҟаҵара, аргылара, ааглыхра, аинфраструктура, агроаглыхратә комплекс   уҳәа.
Ҭырқәтәыла иреиҳау абизнес ахаҭарнакцәа 30-ҩык,
Ҭырқәтәыла ихадаратәу аекономика ахырхарҭақәа рҟынтә 20 ассоциациа.
Афорум алахәцәа  рахьтә 300-ҩык-амчратә усбарҭақәа рхаҭарнакцәа, аинвестициатә еилазаарақәеи  иреиҳаӡоу абанкқәеи рнапхгаҩцәа, иара убас ахәаахәҭра, ааглыхра, аргыларатә еиҿкаарақәа.
Апрофильтә стол гьежьқәа 4;
Ас еиԥш иҟоу аусмҩаԥгатәқәа Аԥсны ахаҭарнакцәа ралахәхара аҭагылазаашьа ҳнаҭоит аусратә еимадарақәа рырҭбаара, зегь раԥхьа иргыланы Аԥсныи, Урыстәылеи, Ҭырқәтәылеи русеицуразы ацҳа абжьаҵара.

Subscribe to Syndicate