Аҿар рполитикатә Хеилак

Агрба Симон Закан-иҧа

Жәларбжьаратәи афонд «Аҧсны», аҿаҧхьа иқәгылоу, зынагӡара иаҿу азҵаарақәа рацәоуп. Афонд аҩнуҵҟа еиҿкаауп ахеилакқәа, еиуеиҧшым ахырхарҭақәа рыла аус зуа. Урҭ рхыҧхьаӡараҿы иҟоуп аҿартә политика иазкыу ахеилак.   Афонд анапхгара аус адулара иаҿуп Аҧсны, Нхыҵ-Кавказ, аҳәаанырцә инхо аҿар злахәхараны иҟоу ауснагӡатәқәа. Ҳара ибзианы еилаҳкаауеит, ҳҳәынҭқарра аҿиареи  ашьақәгылареи аус аҟны, аҿар иааныркыло ихадароу аҭыҧ.

Агәаанагара сымоуп, афонд иалшо зегьы ҟанаҵап ҳәа, адунеи иҧсаҟьаны иалаҧсоу ҳмилаҭ реидкыларазы. Уи аҧхьаҟа ҳаимаздо цҳаны сахәаҧшуеит. Хымҧада, ари аус иадҳаҧхьалоит, аус ҳацура иазыхиоу аҿар.