«Жәларбжьаратәи афонд Аҧсни» «Аҧсны Аҳәынҭқарра жәларбжьаратәи акультура-усуратә центри» аусеицуразы аиқәшаҳаҭра рыбжьарҵеит

​Иахьа, «Жәларбжьаратәи афонд Аҧсны» ахада ихаҭыҧуаҩ Мақсим Ӷәынџьиеи, «Аҧсны Аҳәынҭқарра жәларбжьаратәи акультура-усуратә центр» ахада Олег Барцыци аусеицуразы аиқәшаҳаҭра рнапы аҵарҩит.

Аиҧылара аҳәаақәа ирҭагӡаны ирылацәажәан Аҧсны акультуреи аекономикеи рхырхарҭала аҧхьаҟатәи аусеицура азҵаарақәа, иара убас аҳәаанырцә инхо аҧсуа диаспора ахаҭарнакцәа реигәныҩра, реимадара ишьҭнахуа ауснагӡатәқәа.

Ҳазҭагылоу аамҭазы, «Аҧсны Аҳәынҭқарра жәларбжьаратәи акультура-усуратә центр» аҭагылазаашьа бзиа амоуп еиуеиҧшым ахырхарҭақәа рыла  Урыстәылатәи Афедерациеи егьырҭ аҳәынҭқаррақәеи рҟны апроектқәа рынагӡаразы. Ахәҭакахьала, Урыстәыла аҳҭны қалақь Москва ацәыргақәҵатә ҭыҧ ахархәара азнауеит.