«Жәларбжьаратәи афонд Аҧсны» ахаҭарнак, Шәача имҩаҧысуаз афестиваль далахәын

Шәача ақалақь аҿы имҩаҧысуз Жәларбжьаратәи афестиваль иалахәыз аҿар, алшара рыман еиуеиҧшым ахырхарҭақәа рыла аиҧыларақәа рыҽрылархәра, рҩызцәеи дареи реибадырра, рҧышәа аимдара. Урҭ рыбжьара иҟан атәыла ахадацәа, иалкаау аполитикатә, ауаажәларратә, акультуратә усзуцәа, аспорт азҟазацәа уҳәа аӡәырҩы.

«Жәларбжьаратәи афонд Аҧсны» ахаҭарнак Нелли Берулааҧҳа, хаҭала ари афестиваль далахәын. Иаҳҳәозар, лара рхы рылалырхәит абарҭ реиҧш иҟаз аусмҩаҧгатәқәа: жәларбжьаратәи афорум «Евразиа», еиуеиҧшым асеминарқәа, амастер-классқәа, Аҧсны Ахада Рауль Ҳаџьымбаеи афестиваль алахәцәеи реиҧылара, Урыстәылатәи Афедерациа Сергеи Лавров имҩаҧигаз апресс-конференциа.

Нелли Берулааҧҳа, еиуеиҧшым атәылақәа рҟынтәи афестиваль иалахәыз, ҿыц дзабадырыз лҩызцәа рзы, «Жәларбжьаратәи афонд  Аҧсны» иҭнажьхьаз абуклетқәа, адискқәа, асувенирқәа рзылгеит.   Хымҧада, урҭ Аҧсны аӡыргара акыр имҩақәнаҵоит.