«Жәларбжьаратәи афонд Аҧсны» ахаҭарнакцәа Ҷлоу ақыҭа иаҭааит.
13/09 2016
Иахьа, «Жәларбжьаратәи афонд Аҧсны» ахада Сенер Гогәуа, афонд аҟны иаҧҵоу аҵарадырреи акультуреи рхеилак анапхгаҩы Нугзар Логәуа, афонд аспонсор хада «Абхазморпром» аиҳабы Ҭемыр Логәуа Ҷлоу ақыҭа иаҭааит. Раҧхьа урҭ неит Б. Шьынқәба ихьӡ зху Ҷлоутәи абжьаратә школ ахь. Афонд имҩаҧгнаго апроект «Агәамч» аҳәаақәа ирҭагӡаны, ашкол ҳамҭас ианаршьеит аспорттә маҭәахәқәа. Ҷлоутәи ашкол аҭагылазаашьа збаз афонд ахада Сенер Гогәуеи, «Абхазморпром» аиҳабы Ҭемыр Логәуеи, ашкол анапхгара агәыӷра рырҭеит, ашкол аҧхьаҟагьы ацхыраара шарҭо. Иаҳҳәозар, акомпиутертә класс азы ауада шыҟарҵо, насгьы акомпиутерқәа фба ҳамҭас ишрырҭо. Иара убас, арҵаҩцәа ахьтәо ауадазы акондиционерла ишеиқәдыршәо. Арҵаҩцәеи, ашкол аҵаҩцәеи уи даара гәахәала ирыдыркылеит.
Анаҩс, афонд ахаҭарнакцәа Ҷлоу ақыҭа администрациа иаҭааит. Урҭ уахь ҳамҭас ирызнаргеит акомпиутери, апринтери. Ааигәа иалхыз ақыҭа аиҳабы, Аслан Сангәылиа, иҟаҵаз азҿлымҳареи, ацхыраареи рзы, асасцәа ҭабуп ҳәа реиҳәеит. Сенер Гогәуа ажәа риҭеит, Ҷлоутәи акультура аҩны, хәҭа-хәҭала аиҭашьақәыргылара рхахьы ишырго.
Иара убас, Ҷлоутәи Ахьӡ-Аҧша амузеи аиҳабы, Мзи Кәыҵниаҧҳа, ҳамҭас илырҭеит аипад.
«Жәларбжьаратәи афонд Аҧсны» имҩаҧнаго апроектқәа инарықәыршәаны аҧхьаҟагьы ацхыраара рырҭалоит Аҧсны араионқәеи, ақыҭақәеи.
- «Жәларбжьаратәи афонд Аҧсны» апроект «Агәамч» аусура иацнаҵеит Мықә ақыҭа
- Апроект «Агәамч» аусура иацҵоуп Очамчыратәи аҧшьбатәи ашкол аҟны
- Ашьапылампылтә клуб «Самырзаҟан» азы ашәҵатә форма ҿыцқәа
- Апроект «Агәамч» аусура иацнаҵеит Гал араион
- Апроект «Агәамч» аусура иацҵоуп Гәдоуҭа араион.
- Апроект «Агәамч» аусура иацнаҵеит Гагра араион Лӡаа ақыҭан
- «Жәларбжьаратәи афонд Аҧсны» аусура хацнаркит апроект ҿыц «Агәамч»