«Жәларбжьаратәи афонд Аҧсны» Гәдоуҭа араион ҳамҭас иарҭеит акомпиутерқәа ҧшьба.
23/08 2016
Иахьа, “Жәларбжьаратәи афонд Аҧсны» ахаҭарнакцәа, афонд ахада ихаҭыҧуаҩ Мақсим Ӷәынџьиеи, амаӡаныҟәгаҩ хада Асида Инаҧшьҧҳаи, афонд аусзуҩ Симон Агрбеи, Гәдоуҭа араион ахадеи реиҧылара мҩаҧысит. Афонд ахаҭарнакцәа ҳамҭас Гәдоуҭаҟа инаргеит акомпиутерқәа ҧшьба (аноутбукқәа). Ари аусмҩаҧгатә еиҿкаан афонд апроектқәа руак аҳәаақәа ирҭагӡаны, Аҧсны араинтә еиҿкаарақәеи ашколқәеи компиутертә техникала реиқәыршәара инамаданы.
«Ас еиҧш иҟоу апрограмма, ашколқәа, ареспубликатә еиҿкаарақәа аҭагылазаашьа бзиа рнаҭоит иҿыцу атехникатә, аелектронтә хархәагақәа рыла аусуразы, аҵаҩцәа рҵараҿы уи цхыраагӡаны ҳахәаҧшуеит. Ҳара иҳамоуп егьырҭ апроектқәагьы, Гәдоуҭа араион ҳазлацхрааша»-иҳәеит Мақсим Ӷәынџьиа.
Гәдоуҭа араион администрациа ахада Руслан Ладариа, афонд ахаҭарнакцәа ҭабуп ҳәа реиҳәеит иаадырҧшуа ахаҵгыларазы, аҧхьаҟатәи руснагӡатәқәа рҿы аихьӡарақәа рзеиӷьеишьеит.
«Сара исыӡбеит иаҳзаажәгаз аноутбукқәа,шәыхьӡала, Аацы ақыҭаҿы иҟоу абжьаратә школ ианасшьарц. Афонд иабзоураны, уаҟа иааҳартуеит акомпиутертә класс, ҳазҭагылоу аамҭазы уи ахархәашьа рдыруазароуп аҵаҩцәа зегьы»-ҳәа азгәеиҭеит Руслан Ладариа.
- Аҧсуаҭҵааратә институт ацхыраара аҭоуп
- «Жәларбжьаратәи афонд Аԥсны» Аԥсуа драматә театр аҳамҭа ананашьеит
- «Жәларбжьаратәи афонд Аҧсны»ахаҭарнакцәа «Анацәа аҭынчреи асоциалтә иашареи» рзы Аҟәатәи аҟәша Аиаара амш рыдырныҳәалеит
- Аҟәатәи ақәыҧшцәа рыҩны апроект «Апрофориентациа ацентр» афинанстә цхыраара аиуит афонд аҟынтә
- Аҟәа ақалақь абжьаратә школ №8 аматериалтә цхыраара аҭоуп
- Маркәылатәи абжьаратә школ ацхыраара аҭоуп
- Аҟәатәи ареабилитациатә центр акомпиутертә техника анашьоуп.
- «Жәларбжьаратәи афонд Аҧсны» ахьӡала, Гал араион акомпиутерқәа быжьба анашьоуп.
- Тҟәарчалтәи агәыҳалалра-ааглыхратә ҵараиурҭа, «Жәларбжьаратәи афонд Аҧсны» ахьӡала акомпиутерқәа ҧшьба, ҳамҭас еиҭанашьоуп.
- «Жәларбжьаратәи афонд Аҧсны» Тҟәарчал араион ҳамҭас ианаҭеит акомпиутерқәа хәба
- «Жәларбжьаратәи афонд Аҧсны» Аҟәатәи араионтә библиотека акомпиутер ҿыц ҳамҭас ианаҭеит.
- Иахьа, «Жәларбжьаратәи афонд Аҧсны», ахәыҷқәа рреабилитациатә центр акомпиутертә комплектқәа ҩба ҳамҭас ианаршьеит.
- "Иҟәышу аклассӷәы" Аҧсны аҵареи аҭҵаареи рминистрра ианашьан.