«Жәларбжьаратәи афонд Аҧсны» иаҭааит Иорданиатәи апарламент аделегациа.

Иахьа, «Жәларбжьаратәи афонд Аҧсны» иаҭааит Иорданиатәи апарламент аделегациа.

Аделегациа аилазаараҿы иҟан: Мансур Сижьажь, Халед Алабдалла, Халед Албаккар.

«Жәларбжьаратәи афонд Аҧсны» ахада ихаҭыҧуаҩ Мақсим Ӷәынџьиа асасцәа ирзеиҭеиҳәеит афонд имҩаҧнаго асоциалтә проектқәа инарҷыданы, жәларбжьаратәи аимадарақәа рырҿиара аус рнапы шалаку.

Ахәҭакахьала, Иорданиатәи апарламент адепутатцәа Аҧсныҟа раҧхьаӡа акәны раара уи иабзоурахеит.

«Арҭ ашықәсқәа рзы, ҳара изныкымкәа Иорданиа ҳаҭаахьан.   Ҳусура аҳәаақәа ирҭагӡаны ҳарҧылеит адепутатцәа, абизнесменцәа, ауаажәларратә усзуцәа, акрал ҭаацәара алахәылацәа.  Иорданиа инхо ҳҩызцәа рыбзоурала, ҷыдала Мансур Сижьажь ибзоураны, ҳара иҳалҳаршеит даҽа шьаҿак аҟаҵара ҳтәылақәа реизааигәатәразы» - ҳәа азгәеиҭеит «Жәларбжьаратәи афонд Аҧсны» ахада ихаҭыҧуаҩ Мақсим Ӷәынџьиа.

«Хгәы иаанагоит  Аҧсни Иорданиеи реимадарақәа рыҽдырӷәӷәап ҳәа, насгьы ҳажәларқәа рыбжьара акультуреи аекономикеи рыцҳа хаҳҵап ҳәа. Аспорт аҿиареи, ҳҿар аиҩызара рыбжьаҵареи, хымҧада, аҧхьаҟатәи ҳаизыҟазаашьақәа уасхырс иазыҟалоит» - иҳәеит Мансур Сижьажь.

Аиҧылара ахыркәшамҭаз, «Жәларбжьаратәи афонд Аҧсны» ахьӡала асасцәа аҳамҭақәа ранашьан.