Жәларбжьаратәи аконференциа «Аԥсны, Урыстәылеи- Ҭырқәтәылеи реизыҟазаашьақәа рконтекст» аҟны

Embedded thumbnail for Жәларбжьаратәи аконференциа «Аԥсны, Урыстәылеи- Ҭырқәтәылеи реизыҟазаашьақәа рконтекст» аҟны

Мшаԥымза 12, 11:00, 2019 шықәса рзы, аконференц-зал «Атриум-Викториа» аҟны имҩаԥысуеит аҩбатәи Жәларбжьаратәи аконференциа «Аԥсны, Урыстәылеи-Ҭырқәтәылеи реизыҟазаашьақәа рконтекст» аҟны.

 Аконференциа иалахәуп  ауаажәларра рхаҭарнакцәа, Аԥсны аҭҵаарадырратә хеилакқәа, аҳәаанырцәтәи аҵарауаа.  

Апрофессор Мысҭафа Аидын-Ҭырқәтәыла Жәларбжьаратәи аизыҟазаашьақәа реидгыла ахада, Сҭампыл Кадыр Хас ауниверситет уаанӡатәи аректор. Жәларбжьаратәи аусбарҭа аҵарадырратә хеилак алахәыла, ахәҭакахьала, Европатәи аҭҵаарадыррақәеи аҟазареи ракадемиа алахәыла, иара убас европатәи алидерцәа ируаӡәку.

Аҵарауаҩ Миҭаҭ Челикпала- Жәларбжьаратәи аизыҟазаашьақәа рпрофессор, Сҭампылтәи  Кадыр Хас ауниверситет асоциалтәи административтәи  ҭҵаарадыррақәеи, аекономикатә факультети рдекан. Аспирантцәеи астудентцәеи рзы акурсқәа дрыԥхьоит Евразиа ашәарҭадареи, аенергетикеи, аинфраструктуреи   рыхьчареи, Ҭырқәтәылеи Кавкази адәныҟатәи аҩныҵҟатәи политика ирызкны.  Иусуратә компетенциа-Кавказ, Нхыҵ-Кавказтәи адиаспора, Кавкази Амшынеиқәеи ррегион аҟны ауаа ршәарҭадара, аҭырқәа-аурыс еизыҟазаашьақәа, аенергетикатә  шәарҭадареи аинфраструктуреи рыхьчара. Имоуп имаҷымкәа аҭҵаарадырратә усумҭақәа, амассатә  информациатә хархәагақәа рҟны аналитикатә материалқәеи  зыӡбахә ҳамоу ахырхархарҭақәа рылеи  астатиақәеи.

Цибенко Вероника Витали-иԥҳа- Аладатәи афедералтә университет адисциплинартәи агәыҳалалратәи ҭҵаарақәа рцентр аиҳабы. Мрагыларатәи афакультет (СПБГУ)  аушьҭымҭа, мрагылараҭҵааҩы-атурколог. Мрагыларатәи  абызшәақәа ринститути, Санкт-Петербургтәи мрагыларатәи афилософиатәи факультет рҟны аус зухьоу. 2013 шықәса инаркны Аладатәи афедералтә университет аҟны аҭҵаарадырратә усура мҩаԥылгоит.

Аурыс, англыз, аҭырқәа бызшәақәа рыла 80 ҭҵаарадырратә статиақәа лкьыԥхьхьеит, урҭ рахьтә 4-Scopus абазаҟны, 16-ажурнал ВАК РФ асиақәа рҟынтә. Ажурнал  «Агәыҳалалреи  азиндырреи рыҭҵаара» аредколлегиа алахәыла. 

Тлостнаков Асқьер Аслан-иԥа-аполитолог, 2013 шықәса инаркны  Аладатәи афедералтә  университет аҭҵаарадырратә усзуҩы.

Иҭҵаарадырратә хықәкы: аҳәынҭқарратәи амилаҭҭәи ргылара де-факто аҳәынҭқаррақәа рҿы, Нхыҵ-Кавказ аҟны  аетникатәи адинхаҵаратәи мобилизациа.

Subscribe to Syndicate